Mae hyn yn cynnwys cyngor cyllidebu ar gyfer talu eich rhent a blaenoriaethu dyled; cymorth i ddeall eich sefyllfa budd-daliadau a’r hyn y gallech fod â hawl iddo, a llawer mwy!
Os hoffech siarad â’r tîm, cysylltwch â ni.
Mae sawl ffordd y gallwch dalu eich rhent, gan gynnwys Debyd Uniongyrchol, ein ap TED, neu yma ar ein gwefan.
Mae Credyd Cynhwysol yn fudd-dal i bobl mewn gwaith neu ddi-waith. Mae’n disodli Budd-dal Tai, Credyd Treth Plant, Credyd Treth Gwaith, Cymhorthdal Incwm, Lwfans Cyflogaeth a Chymorth (yn gysylltiedig ag incwm) a Lwfans Ceisio Gwaith (yn seiliedig ar incwm).
Dysgwch am Gredyd Cynhwysol, sut i’w hawlio a beth allai ysgogi symud iddo.
Rydym yn gweithio gyda Boomerang Caerdydd i ddarparu dodrefn ail-law, cost isel, gan helpu pobl sy’n derbyn incwm isel neu sy’n hawlio budd-daliadau i ddodrefnu eu cartref
Mae hyn yn cynnwys eitemau fel gwelyau, matresi, cypyrddau dillad, soffas a sugnwyr llwch.
Os na allwch brynu eitemau eich hun, efallai y gallwn eich helpu drwy ein Cronfa Cymorth Ariannol. Cysylltwch â ni i ddarganfod mwy.
Gydag anawsterau’r pandemig a chostau byw cynyddol, crëwyd ein Cronfa Cymorth Ariannol i roi help llaw i bobl. Dyfarnwyd 44 o daliadau i helpu pobl yn y flwyddyn ariannol ddiwethaf.
Siaradwch â’n tîm Cyngor Ariannol i gael rhagor o wybodaeth am sut i wneud cais.
Rydym yn yswirio ein hadeiladau rhag ofn y bydd tân, llifogydd neu ddifrod difrifol, ond efallai na fyddwch yn ymwybodol nad ydym yn yswirio eich cynnwys neu eiddo personol fel rhan o’ch contract. Dylech ystyried ar gyfer beth y byddai polisi yswiriant cynnwys cartref yn eich diogelu, i’ch helpu i wneud penderfyniad gwybodus ynghylch a oes angen un arnoch.
